اگر آپ 10 یا 11 سال پرانا اینڈرائیڈ فون استعمال کر رہے ہیں تو اسے تبدیل کرنے کا وقت آگیا ہے، کیونکہ میٹا نے پرانے اینڈرائیڈ ڈیوائسز کے لیے واٹس ایپ سپورٹ ختم کرنے کا فیصلہ کرلیا ہے۔
رپورٹ کے مطابق 8 ستمبر 2026 سے اینڈرائیڈ 6 سے پہلے کے آپریٹنگ سسٹمز، خصوصاً اینڈرائیڈ 5 اور 5.1 پر چلنے والے فونز میں واٹس ایپ کام نہیں کرے گا۔
میٹا کا کہنا ہے کہ واٹس ایپ میں مسلسل نئے فیچرز، بہتر یوزر انٹرفیس، پرائیویسی سیٹنگز اور اے آئی ٹیکنالوجی متعارف کرائی جا رہی ہے، جن کے لیے جدید ہارڈویئر اور نئے آپریٹنگ سسٹمز ضروری ہیں۔
اس فیصلے کے بعد لاکھوں پرانے اینڈرائیڈ فونز پر واٹس ایپ تک رسائی ختم ہو جائے گی، جبکہ 8 ستمبر کے بعد صرف اینڈرائیڈ 6 یا اس سے جدید ورژن والے فونز پر ایپ استعمال کی جا سکے گی۔
صارفین کو ہدایت کی گئی ہے کہ وہ اپنا واٹس ایپ ڈیٹا، چیٹس اور میڈیا نئی ڈیوائس میں منتقل کرلیں، ورنہ سپورٹ ختم ہونے کے بعد تمام ریکارڈ ضائع ہو سکتا ہے۔
