جہانگیر ترین نے لودھراں کے سیلاب متاثرین کے لیے دو کروڑ روپے امداد کا اعلان کیا ہے۔
تفصیلات کے مطابق سینیئر سیاست دان اور معروف بزنس مین جہانگیر خان ترین نے لودھراں کے سیلاب متاثرین کے لیے دو کروڑ روپے امداد کا اعلان کرتے ہوئے کہا ہے کہ متاثرہ بہن بھائیوں کو تنہا نہیں چھوڑوں گا اور ان کی بحالی کے لیے ہر ممکن کوشش کی جائے گی۔
انہوں نے مزید کہا کہ اپنی ٹیم کو فوری طور پر ریلیف سرگرمیاں شروع کرنے کی ہدایت دی ہے جن میں مشینری بھجوا کر بند باندھنے میں مدد، متاثرین میں راشن اور ضروری اشیاء کی تقسیم شامل ہے۔
استحکام پاکستان پارٹی کے سابق سربراہ نے مزید کہا کہ قدرتی آفات قومی یکجہتی کا تقاضا کرتی ہیں۔
