شنگھائی الیکٹرک پاور نے کےالیکٹرک کیساتھ معاہدہ منسوخ کر دیا

شنگھائی الیکٹرک پاور نے کےالیکٹرک کیساتھ 1.77 ارب ڈالر کا معاہدہ منسوخ کر دیا۔
شنگھائی الیکٹرک نے کےالیکٹرک کےحصص خریدنے کا طویل عرصے سے زیرالتوا معاہدہ ختم کرنے کا اعلان کیا ہے۔ حصص کےای ایس پاور لمیٹڈ کے پاس موجود تھے جو کمپنی کےجاری شدہ حصص کا 66.40 فیصد ہیں۔
شنگھائی الیکٹرک نے کےالیکٹرک سے معاہدہ ختم ہونے پر شنگھائی اسٹاک ایکسچینج کو نوٹس بھجوا دیا ہے جس میں کہا گیا ہے کہ معاہدے کی مالیت 1.77 ارب ڈالر تھی۔
نوٹس کے مطابق معاہدہ کئی سالوں سے مختلف ریگولیٹری اور قانونی منظوریوں کی وجہ سےتعطل کا شکار رہا۔
چینی کمپنی نے سال 2016 میں پہلی بار کے الیکٹرک کے حصص خریدنے کی کوشش کی تھی۔
شنگھائی الیکٹرک کے الیکٹرک کی خریداری سے پیچھے ہٹ گیا تھا۔ عارف حبیب گروپ کے چئیرمین عارف حبیب نے انکشاف کیا تھا کہ کے الیکٹرک اور شنگھائی الیکٹرک کے درمیان خریداری کی ڈیل ختم ہوگئی اور چینی کمپنی نے خریدنے کی پیشکش واپس لے لی ہے۔
عارف حبیب کا مزید کہنا تھا کہ شنگھائی پاور کئی سال سے کے الیکٹرک خریدنے کی کوششوں میں تھی، شنگھائی اور کے الیکٹرک کے 66.40 فیصد حصص انتظامی کنٹرول خریدنے کی خواہش رکھتا تھا۔
واضح رہے پاکستان کی تاریخ میں کسی کمپنی کی دوسری کمپنی کو خریدنے کی سب سے طویل عرصے رہنے والی پیشکش اب ختم ہوگئی ہے۔