پاکستان کرکٹ بورڈ میں ٹیسٹ ٹیم کی قیادت سے متعلق اہم فیصلوں کا امکان ظاہر کیا جا رہا ہے۔ ذرائع کے مطابق جمعہ اور ہفتہ کو پی سی بی کے اہم اجلاس متوقع ہیں، جن کے دوران چیئرمین پی سی بی محسن نقوی مختلف اہم شخصیات سے ملاقاتیں بھی کریں گے۔
رپورٹس کے مطابق اجلاس میں ٹیسٹ ٹیم کی کپتانی کے معاملے پر غور کیا جائے گا اور موجودہ کپتان شان مسعود کی جگہ سلمان آغا کو یہ ذمہ داری سونپنے کی تجویز زیرِ غور ہے۔
ذرائع کا مزید کہنا ہے کہ ان اجلاسوں میں کرکٹ سے متعلق اہم تقرریوں پر بھی بات چیت ہوگی، جبکہ محمد حفیظ اور یونس خان کی ممکنہ ذمہ داریوں سمیت دیگر اہم امور بھی ایجنڈے کا حصہ ہوں گے۔
