کراچی کے علاقے شارع فیصل پر پولیس آفس کے قریب پیش آنے والے ایک افسوسناک ٹریفک حادثے میں ایک بچہ جان کی بازی ہار گیا۔
پولیس کے مطابق بچہ اپنے اپارٹمنٹ کے باہر سائیکل چلا رہا تھا کہ اسی دوران ایک ٹریکٹر نے اسے ٹکر مار دی، جس کے نتیجے میں وہ موقع پر ہی جاں بحق ہو گیا۔ حادثے کے بعد فرار ہونے کی کوشش کرنے والے ٹریکٹر ڈرائیور کو پولیس نے تعاقب کے بعد گرفتار کر لیا، جبکہ واقعے کی مزید تحقیقات جاری ہیں۔
