انٹرنیشنل کرکٹ کونسل (آئی سی سی) نے تازہ ترین ون ڈے رینکنگ جاری کر دی ہے، جس میں پاکستان کے لیگ اسپنر ابرار احمد نے نمایاں بہتری حاصل کرتے ہوئے سب کی توجہ حاصل کر لی۔
نئی رینکنگ کے مطابق ابرار احمد سات درجے ترقی پا کر بولرز کی فہرست میں چوتھے نمبر پر آ گئے ہیں، جبکہ قومی ٹیم کے فاسٹ بولر شاہین شاہ آفریدی بھی چار درجے بہتری کے بعد 13ویں پوزیشن پر پہنچ گئے ہیں۔
بیٹرز کی رینکنگ میں پاکستان کے سابق کپتان بابر اعظم چھٹے نمبر پر برقرار ہیں، تاہم سلمان علی آغا پانچ درجے تنزلی کے بعد 14ویں پوزیشن پر چلے گئے ہیں۔
دوسری جانب نیوزی لینڈ کے ڈیرل مچل بیٹرز کی فہرست میں بدستور پہلی پوزیشن پر موجود ہیں، جبکہ افغانستان کے اسٹار لیگ اسپنر راشد خان بولرز کی رینکنگ میں اپنی ٹاپ پوزیشن برقرار رکھنے میں کامیاب رہے ہیں۔
