تہران میں آیت اللہ علی خامنہ ای کی آخری رسومات میں دنیا بھر سے بڑی تعداد میں سیاسی، مذہبی اور سفارتی شخصیات نے شرکت کی۔ پاکستان، چین، روس، سعودی عرب، قطر، بھارت، ترکیہ، افغانستان، عراق، بنگلہ دیش سمیت متعدد ممالک کے اعلیٰ سطحی وفود اس موقع پر موجود تھے۔
پاکستان کی جانب سے وزیراعظم شہباز شریف اور فیلڈ مارشل سید عاصم منیر کی قیادت میں ایک اعلیٰ سطحی وفد نے شرکت کی، جس میں اسحاق ڈار، ایاز صادق، یوسف رضا گیلانی، بلاول بھٹو زرداری، محسن نقوی، مراد علی شاہ، فیصل کریم کنڈی، لیاقت بلوچ اور دیگر شخصیات شامل تھیں۔ اس کے علاوہ ممتاز شیعہ علماء کا ایک الگ وفد بھی تہران پہنچا۔
خلیجی ممالک سعودی عرب، قطر، بحرین اور عمان کے نمائندوں سمیت متحدہ عرب امارات اور کویت کے سفارتی اہلکاروں نے بھی شرکت کی۔ چین، روس اور دیگر عالمی طاقتوں کے وفود نے بھی تقریب میں حصہ لیا، جبکہ افغانستان کی طالبان حکومت اور سابق افغان رہنما بھی تہران میں موجود رہے۔
خطے کی مزاحمتی تنظیموں، مختلف ممالک کی پارلیمانوں کے اسپیکرز، وزراء اور بین الاقوامی تنظیموں کے نمائندوں نے بھی بڑی تعداد میں شرکت کی، جس سے یہ تقریب ایک غیر معمولی عالمی اجتماع کی صورت اختیار کر گئی۔
