ایسٹونیا میں ہونے والے ایک منفرد کنسٹرکشن فیسٹیول میں تعمیراتی مشینوں نے مشہور رومانوی کہانی “رومیو اینڈ جولیٹ” کا مشہور منظر پیش کر کے شائقین کو حیرت اور ہنسی میں مبتلا کر دیا۔
اس دلچسپ مظاہرے میں دو بڑی کھدائی کرنے والی مشینوں (ایکسکاویٹرز) کو اسٹیج فنکاروں کی طرح سجایا گیا۔ ان مشینوں نے بازوؤں اور بالٹیوں کی حرکات سے “بالکنی سین” کو نہایت دل چسپ انداز میں پیش کیا، جبکہ پس منظر میں رومانوی موسیقی نے منظر کو مزید جاندار بنا دیا۔
تماشائی قہقہے لگاتے رہے، ویڈیوز بناتے رہے، اور اس پرفارمنس کو خوب انجوائے کیا۔ یہ شو نہ صرف تفریح کا ذریعہ تھا بلکہ فن اور انجینئرنگ کے امتزاج کی ایک تخلیقی مثال بھی تھا۔
اس انوکھے آئیڈیے کی ویڈیوز سوشل میڈیا پر تیزی سے وائرل ہو رہی ہیں، اور لوگ اس تکنیکی تخلیق کو خوب سراہ رہے ہیں۔
