ایران نے پاکستان کے لیے تیل لے کر آنے والے تین بحری جہازوں کو اجازت دینے پر رضامندی ظاہر کر دی ہے۔
تفصیلات کے مطابق یہ تینوں بحری جہاز کویت سے تیل لے کر پاکستان پہنچیں گے، جس سے ملک کی توانائی ضروریات میں بہتری آنے کی توقع ہے۔
وزیراعظم کے معاون خصوصی برائے کرپٹو کونسل بلال بن ثاقب نے کہا ہے کہ آبنائے ہرمز کا بحران صرف تیل تک محدود نہیں رہا بلکہ اب یہ عالمی سپلائی چین کو بھی متاثر کر رہا ہے۔
انہوں نے خبردار کیا کہ تیل کی قیمتوں میں اتار چڑھاؤ اس بحران کا ابتدائی مرحلہ ہے جبکہ اصل اثرات ابھی سامنے آنا باقی ہیں۔
ماہرین کے مطابق مشرق وسطیٰ کی صورتحال عالمی تجارت اور توانائی مارکیٹ پر گہرے اثرات مرتب کر رہی ہے۔
