پیپلزپارٹی کی جانب سے آزادکشمیر اسمبلی میں ان ہاؤس تبدیلی کیلئے کوششیں تیز کردی گئی ہیں، مسلم لیگ ن کی قیادت سے بھی رابطہ کیا جائیگا۔
ذرائع نے بتایا کہ پاکستان پیپلز پارٹی آزادکشمیر اسمبلی میں ان ہاؤس تبدیل کی کوشش کررہی ہے، پی پی قیادت نے آزادکشمیرکی صورتحال پر ن لیگی قیادت سے رابطے کا فیصلہ کیا ہے، پی پی قیادت وفاقی حکومت سے فنڈنگ کے معاملے پر یقین دہانی حاصل کریگی
پی پی قیادت ن لیگ سے آزاد کشمیر کابینہ کا حصہ بننے کی درخواست کرےگی، ن لیگ کی کابینہ میں شمولیت سے وفاقی فنڈنگ یقینی طور ملے گی۔
پی پی ذرائع نے بتایا کہ پی پی کو آزاد کشمیر حکومت کی بقیہ مدت کیلئے فنڈنگ کی یقین دہانی نہیں مل رہی، وفاق سے بقیہ فنڈنگ نہ ملنے پر آزادکشمیر حکومت ڈیلیور نہیں کرسکے گی۔
