پنجاب میں آنے والے تباہ کن سیلاب میں نہروں سے مچھلیاں بھی بہہ کر آگئیں، دھان کے کھیت فش فارمز میں تبدیل ہوگئے۔
رہنما نیوز کی رپورٹ کے مطابق منڈی بہاؤالدین کے مکینوں کی چاندی ہوگئی، بہت بڑی تعداد میں سیلاب میں بہہ کر آنے والی مچھلیاں پکڑ کر فروخت کرنے لگے۔
سیلابی ریلے کے ساتھ بہہ کر آنے والی مچھلیاں دھان کے کھیتوں میں محصور ہوگئیں، مقامی افراد نے موقع کا فائدہ اٹھاتے ہوئے کھیتوں میں موجود مچھلیاں پکڑ کر بازاروں میں بیچنا شروع کردیں۔
کسی نے جال سے مچھلیاں پکڑیں تو کوئی کپڑے کی چادریں لے آیا شکاریوں نے مچھلیوں سے اپنے بڑے بڑے تھیلے بھر لیے۔
