وزیر مملکت داخلہ طلال چوہدری نے کہا ہے کہ حکومت نے اپوزیشن سے مذاکرات سے کبھی انکار نہیں کیا۔
میڈیا سے گفتگو کرتے ہوئے طلال چوہدری کا کہنا تھا کہ وزیراعظم نے عوامی سطح، پارلیمنٹ اور کابینہ میں ہمیشہ حکومت کی جانب سے اپوزیشن سے بات چیت کے لیے آمادگی کا اظہار کیا۔
انہوں نے کہا کہ ماضی میں اپوزیشن نے یکطرفہ طور پر مذاکرات سے انکار کیا، تاہم ہر مسئلے کا حل بات چیت کے ذریعے ہی نکالا جاسکتا ہے۔
طلال چوہدری نے امید ظاہر کی کہ اپوزیشن موجودہ موقع پر مثبت رویہ اختیار کرے گی۔
