برطانیہ کی ایک یونیورسٹی میں منعقدہ تقریب کے دوران بھارت کے چیف جسٹس سُوریا کانت کو شرکا کی جانب سے سخت سوالات کا سامنا کرنا پڑا، جس کے باعث پروگرام میں کچھ دیر کے لیے بے نظمی کی صورتحال پیدا ہوگئی۔
رپورٹس کے مطابق لیکچر کے دوران شرکا نے بھارت میں جمہوریت، اظہارِ رائے کی آزادی اور حکومت پر تنقید کے حق سے متعلق سوالات اٹھائے۔ اس دوران بعض شرکا نے چیف جسٹس کے ایک متنازع بیان کا بھی حوالہ دیا، جس پر تقریب کے ماڈریٹر نے مداخلت کرتے ہوئے گفتگو کو آگے بڑھانے کی کوشش کی۔
تقریب میں موجود بعض افراد نے سوالات کرنے والوں کی آواز دبانے پر اعتراض کرتے ہوئے کہا کہ شرکا کے ساتھ احترام کا رویہ اختیار کیا جانا چاہیے۔ واقعے کی ویڈیوز اور تفصیلات سوشل میڈیا پر بھی زیرِ بحث ہیں۔
