ایرانی وزیر خارجہ عباس عراقچی نے حالیہ کشیدگی پر سخت ردعمل دیتے ہوئے کہا ہے کہ ایران پر ہونے والے ہر حملے کا بھرپور جواب دیا جائے گا۔ ان کا کہنا تھا کہ اگر بیرونی طاقتیں خود کو محفوظ رکھنا چاہتی ہیں تو انہیں خطے سے نکل جانا چاہیے۔
عباس عراقچی نے کہا کہ میدانِ جنگ میں ناکامی کے بعد امریکا ایران کے عزم کو آزمانے کی کوشش کر رہا ہے، تاہم ایران کی طاقتور مسلح افواج کسی بھی حملے یا دھمکی کو بغیر جواب کے نہیں چھوڑیں گی۔ انہوں نے مزید کہا کہ خلیج فارس کی تاریخ بیرونی مداخلت کرنے والوں کے عبرتناک انجام کی متعدد مثالوں سے بھری پڑی ہے۔
