گورنر اسٹیٹ بینک جمیل احمد کی زیرِ صدارت مانیٹری پالیسی کمیٹی کا اجلاس منعقد ہوا، جس میں پالیسی ریٹ کو 11.50 فیصد کی سطح پر برقرار رکھنے کا فیصلہ کیا گیا۔
اسٹیٹ بینک کے مطابق شرح سود میں کوئی تبدیلی نہیں کی گئی اور آئندہ ڈیڑھ ماہ کے لیے موجودہ شرح برقرار رہے گی۔ یاد رہے کہ مرکزی بینک نے 27 اپریل سے پالیسی ریٹ 11.5 فیصد پر برقرار رکھا ہوا ہے۔
اجلاس میں ملک میں مہنگائی کی صورتحال، معاشی اشاریوں، مالیاتی حالات اور مشرق وسطیٰ میں جاری کشیدگی کے ملکی معیشت پر ممکنہ اثرات کا تفصیلی جائزہ لیا گیا، جس کے بعد شرح سود سے متعلق فیصلہ کیا گیا۔
