حوثی فورسز نے یمن کی فضائی حدود میں سعودی ایف-15 لڑاکا طیارہ مار گرانے کا دعویٰ کیا ہے۔
چینی خبر رساں ادارے ژنہوا کے مطابق حوثی فوج کے ترجمان یحییٰ سریع نے دعویٰ کیا ہے کہ یمن کے شمال مشرقی صوبے مارب کے علاقے میں واقع جبل حیلان کے قریب ایک سعودی ایف-15 لڑاکا طیارہ مار گرایا گیا ہے۔
حوثی فوج نے مزید کہا کہ ہمارے ملک اور عوام کے خلاف جارحیت کے پیشِ نظر یمنی مسلح افواج نے اللّٰہ کی مدد اور فضل سے مقامی سطح پر تیار کردہ زمین سے فضا میں مار کرنے والے میزائل سے سعودی ایف-15 لڑاکا طیارہ مار گرایا، جب وہ مارب کی فضائی حدود میں دشمن کارروائیاں کر رہا تھا۔
