چین: پاکستان جونیئر ہاکی ٹیم نے ملائیشیا کو 2 کے مقابلے میں 5 گول سے شکست دے کر مینز جونیئر ہاکی ایشیا کپ کے سیمی فائنل میں جگہ بنا لی۔
ملائیشیا نے پہلے ہاف میں برتری حاصل کی، تاہم پاکستان نے تیسرے کوارٹر میں شاندار کم بیک کرتے ہوئے یکے بعد دیگرے چار گول اسکور کیے۔
پاکستان کی جانب سے رانا ولید نے دو، جبکہ ندیم خان، عبداللہ سمیع رانا اور علی حمزہ نے ایک، ایک گول کیا۔ علی حمزہ کو میچ کا بہترین کھلاڑی قرار دیا گیا۔
پاکستان نے ایونٹ میں ناقابلِ شکست رہتے ہوئے تیسری کامیابی حاصل کی ہے۔
