روس نے مشرقِ وسطیٰ میں جاری تنازع کے حل کے لیے سعودی عرب کو ثالثی اور سفارتی کوششوں میں تعاون کی پیشکش کردی۔
خبر ایجنسی کے مطابق روسی وزیرِ خارجہ سرگئی لاوروف نے سعودی وزیرِ خارجہ فیصل بن فرحان سے ٹیلی فون پر گفتگو کی، جس میں خطے کی موجودہ صورتحال اور اسے قابو کرنے کی کوششوں پر تبادلہ خیال کیا گیا۔
دوسری جانب فیصل بن فرحان نے کہا کہ اوپیک پلس کا تعاون عالمی تیل کی رسد و طلب میں توازن برقرار رکھنے میں اہم کردار ادا کرتا ہے۔ ان کا کہنا تھا کہ سعودی عرب روس کے ساتھ مزید شراکت داری اور تعاون کا خواہاں ہے، جبکہ دونوں ممالک کا تعاون عالمی توانائی منڈی کے استحکام کے لیے بھی اہم ہے۔
