تہران: ایران کے اسپیکر پارلیمنٹ باقر قالیباف نے دعویٰ کیا ہے کہ تیل، مرکزی بینک اور تیل کی فروخت سے متعلق تمام پابندیاں اٹھا لی گئی ہیں، جس کے بعد تیل کی فروخت کی رقم براہِ راست بینکوں میں وصول کی جا رہی ہے۔
ایک انٹرویو میں انہوں نے کہا کہ آبنائے ہرمز سے ٹول فری گزرنے کی سہولت صرف 60 روز کے لیے ہوگی اور ایران اس آبی گزرگاہ پر اپنے حقوق سے کسی صورت دستبردار نہیں ہوگا۔
ان کے مطابق آبنائے ہرمز پر خودمختاری ایران اور عمان کے پاس ہے اور اس گزرگاہ پر ایران کے قوانین کے مطابق عمل کیا جائے گا۔ باقر قالیباف نے مزید کہا کہ اسلام آباد مفاہمتی یادداشت امریکا اور اسرائیل کی شکست کی دستاویز ہے، جبکہ ان کے بقول اسرائیل اس مفاہمتی یادداشت کی مخالفت کر رہا ہے۔ یہ تمام بیانات باقر قالیباف نے اپنے انٹرویو میں دیے۔
