اسلام آباد: حکومت کو پیش کی گئی ایک انٹیلی جنس رپورٹ میں دعویٰ کیا گیا ہے کہ آزاد جموں و کشمیر میں بجلی کے نرخوں اور آٹے کی قیمتوں کے خلاف شروع ہونے والی کالعدم جموں کشمیر جوائنٹ عوامی ایکشن کمیٹی کی تحریک بعد ازاں ایک غیر ملکی حمایت یافتہ مہم میں تبدیل ہو گئی، جس کا مقصد کشمیر کے حوالے سے پاکستان کے مؤقف کو کمزور کرنا اور ریاستی اداروں کو نشانہ بنانا تھ
رپورٹ میں کہا گیا ہے کہ قابلِ اعتماد شواہد کے مطابق بیرونی عناصر اور دشمن انٹیلی جنس ایجنسیوں نے برطانیہ اور یورپ میں موجود اپنے نیٹ ورکس کے ذریعے مالی، تشہیری اور تنظیمی معاونت فراہم کی۔
تحریک سماجی و معاشی مطالبات سے آگے بڑھ کر ایک سیاسی مہم بن گئی، جس میں آزاد جموں و کشمیر کے آئینی ڈھانچے اور قانون ساز اسمبلی میں مہاجرین کے لیے مختص نشستوں سمیت دیگر آئینی معاملات کو بھی چیلنج کیا گیا۔ رپورٹ میں کیے گئے دعوے حکومتی انٹیلی جنس رپورٹ سے منسوب ہیں۔
