صدر مملکت آصف علی زرداری نے چیف جسٹس سپریم کورٹ آف پاکستان اور چیف جسٹس وفاقی آئینی عدالت کے دورۂ روس کی منظوری دے دی ہے۔
میڈیا رپورٹس کے مطابق صدر مملکت نے اس حوالے سے وزیراعظم کی ایڈوائس منظور کر لی، جس کے بعد دونوں چیف جسٹس روس کے شہر سینٹ پیٹرزبرگ میں منعقد ہونے والے 14ویں سینٹ پیٹرزبرگ انٹرنیشنل لیگل فورم میں شرکت کریں گے۔
بین الاقوامی قانونی فورم 24 سے 26 جون 2026 تک منعقد ہوگا، جس میں مختلف ممالک کے اعلیٰ عدالتی، قانونی اور پالیسی ساز شخصیات شریک ہوں گی۔
فورم کے دوران عالمی قانونی نظام، عدالتی اصلاحات، آئینی امور اور بین الاقوامی تعاون سے متعلق مختلف موضوعات پر تبادلہ خیال کیا جائے گا۔
