ایرانی سپریم لیڈر کے مشیر محسن رضائی نے امریکی قیادت کو سخت خبردار کردیا

تہران: ایرانی سپریم لیڈر کے مشیر محسن رضائی نے امریکی قیادت کو سخت خبردار کرتے ہوئے کہا ہے کہ اگر واشنگٹن نے خطے میں اپنی عسکری کارروائیاں جاری رکھیں تو امریکی افواج کو شکست کا سامنا کرنا پڑ سکتا ہے۔ انہوں نے کہا کہ امریکا کے صدر، وزیر جنگ اور چیئرمین جوائنٹ چیفس آف اسٹاف ایک ہی سوچ رکھتے ہیں اور اپنے وہم کو کامیابی کے طور پر پیش کرتے ہیں۔ محسن رضائی کا کہنا تھا کہ ایران کی طاقتور مسلح افواج ہر قسم کی صورتحال سے نمٹنے کے لیے مکمل طور پر تیار ہیں، جبکہ خطے میں کشیدگی بڑھنے کی صورت میں امریکا کو سنگین نتائج بھگتنا پڑ سکتے ہیں۔