خیبرپختونخوا کے ضلع کرم میں طویل عرصے سے غیر فعال پارہ چنار ائیرپورٹ کو دوبارہ فعال کردیا گیا ہے۔
ذرائع کے مطابق پاک فوج، ایف ڈبلیو او اور پاکستان ائیرپورٹس اتھارٹی کی مشترکہ کاوشوں سے ائیرپورٹ بحال ہوا۔
اطلاعات کے مطابق پاک آرمی ایوی ایشن نے 26 اپریل کو ائیرپورٹ پر آپریشنل لینڈنگ اور ٹیک آف ٹرائلز کیے تاکہ رن وے کی فعالیت اور آپریشنل تیاریوں کا جائزہ لیا جا سکے۔
ذرائع کا کہنا ہے کہ مجموعی طور پر 6 کامیاب لینڈنگ اور ٹیک آف ٹرائلز مکمل کیے گئے۔
ائیرپورٹ کے رن ویز کو پیشہ ورانہ معیار اور اعلیٰ سیفٹی اسٹینڈرڈز کے مطابق قرار دیا گیا ہے۔
