مشرق وسطیٰ سے لاکھوں امریکیوں کے انخلا کا چیلنج

امریکا نے ایران اور اسرائیل کے درمیان حالیہ کشیدگی اور حملوں کے بعد مشرق وسطیٰ میں مقیم اپنے شہریوں کے انخلا کو بڑا چیلنج قرار دے دیا ہے۔ امریکی محکمہ خارجہ کے مطابق خطے میں دو لاکھ سے زائد امریکی شہری موجود ہیں جبکہ اب تک تقریباً 18 ہزار افراد کو امریکا منتقل کیا جا چکا ہے۔ اعداد و شمار کے مطابق متحدہ عرب امارات میں 50 ہزار، سعودی عرب میں 80 ہزار، کویت میں 30 ہزار اور قطر میں 15 ہزار امریکی شہری مقیم ہیں۔ امریکا نے ان ممالک میں رہنے والے اپنے شہریوں کو فوری طور پر نکلنے کی ہدایت دی ہے تاہم محدود فلائٹس کے باعث انخلا کا عمل سست روی کا شکار ہے، جبکہ کویت میں امریکی سفارتخانے کی سرگرمیاں بھی معطل کر دی گئی ہیں۔