نیشن کپ کراٹے ایونٹ انسانی اسمگلنگ کیلئے استعمال ہونے کا شبہ

وفاقی تحقیقاتی ادارے (ایف آئی اے) نے روس میں ہونے والے نیشن کپ کراٹے ٹورنامنٹ کے دوران مبینہ انسانی اسمگلنگ کے معاملے پر تحقیقات شروع کر دی ہیں۔ ایف آئی اے کے مطابق موصول ہونے والی شکایت میں کہا گیا ہے کہ ٹورنامنٹ کے نام پر غیر متعلقہ افراد کو ٹیم میں شامل کر کے انہیں یورپ فرار کرانے کی کوشش کی گئی۔ ایف آئی اے کہنا ہے کہ لنڈی کوتل، ضلع خیبر سے تعلق رکھنے والے کوچز اور دیگر ارکان سے متعلق تحقیقات جاری ہیں جبکہ ماسکو ایونٹ میں شرکت کرنے والی ٹیم کے تمام ارکان کی بھی جانچ پڑتال کی جائے گی۔