اسلام آباد: ترجمان دفتر خارجہ طاہر حسین اندرابی نے کہا ہے کہ کسی بھی بھارتی جارحیت کا منہ توڑ جواب دیا جائے گا اور پاکستان اپنی سلامتی کے دفاع کے لیے ہر ضروری اقدام اٹھائے گا۔
ہفتہ وار بریفنگ کے دوران انہوں نے خارجہ اور سکیورٹی امور پر پاکستان کا مؤقف واضح کرتے ہوئے کہا کہ مسلح افواج ملک کے دفاع کے لیے مکمل طور پر پرعزم ہیں۔ ترجمان کے مطابق طالبان حکومت کے قیام کے بعد خطے میں دہشت گردی کے واقعات میں اضافہ دیکھا گیا ہے، جبکہ پاکستان اپنی سرزمین کے تحفظ اور علاقائی استحکام کے لیے مسلسل اقدامات جاری رکھے ہوئے ہے۔
