الجزیرہ کی ایک رپورٹ میں دعویٰ کیا گیا ہے کہ مودی حکومت مسلمانوں سے متعلق پالیسیوں میں اسرائیلی طرز کی حکمتِ عملی اپنارہی ہے۔ رپورٹ کے مطابق بھارت اور اسرائیل کے تعلقات ایک مشترکہ نظریاتی وژن پر قائم ہیں
جس میں مسلمانوں کو سیکیورٹی اور جغرافیائی خطرے کے تناظر میں دیکھا جاتا ہے۔
رپورٹ میں یہ بھی کہا گیا کہ بھارت نے اسرائیلی نگرانی اور جاسوسی نظام کو اپنے سیکیورٹی ڈھانچے میں شامل کیا اور غزہ میں اسرائیلی کارروائیوں کے دوران تعاون فراہم کیا۔ مزید بتایا گیا کہ نومبر 2019 میں امریکی سرزمین پر بھارتی قونصل جنرل نے مقبوضہ کشمیر میں غزہ طرز کے ماڈل کا ذکر کیا تھا، جبکہ 2019 کے بعد سے مقبوضہ کشمیر میں سخت سیکیورٹی پابندیاں برقرار ہیں۔
