عالمی اور مقامی مارکیٹ میں سونے کی قیمت میں اضافے کا سلسلہ جاری ہے، جس کے باعث پاکستان میں فی تولہ سونا مزید 2 ہزار 400 روپے مہنگا ہوگیا۔
آل پاکستان صرافہ ایسوسی ایشن کے مطابق اضافے کے بعد 24 کیرٹ فی تولہ سونے کی قیمت 4 لاکھ 59 ہزار 736 روپے جبکہ 10 گرام سونے کی قیمت 2 ہزار 58 روپے اضافے سے 3 لاکھ 94 ہزار 149 روپے ہوگئی۔
گزشتہ 5 روز کے دوران سونے کی فی تولہ قیمت میں 29 ہزار 400 روپے کا اضافہ ہوا تھا، جبکہ 6 روز میں مجموعی اضافہ 31 ہزار 800 روپے تک پہنچ گیا۔
دوسری جانب فی تولہ چاندی کی قیمت میں 62 روپے اضافہ ہوا، جس کے بعد نئی قیمت 6 ہزار 965 روپے ہوگئی۔ عالمی مارکیٹ میں بھی سونے کی فی اونس قیمت 24 ڈالر اضافے سے 4 ہزار 373 ڈالر کی سطح پر پہنچ گئی۔
