ضلع خیبر میں دہشتگردوں کی فائرنگ سے زخمی ہونے والا پولیس اہلکار کا کمسن بیٹا بھی دورانِ علاج جاں بحق ہوگیا۔
ڈسٹرکٹ پولیس آفیسر وقار احمد کے مطابق 7 سالہ محمد طلحہ کو شدید زخمی حالت میں حیات آباد میڈیکل کمپلیکس منتقل کیا گیا تھا، تاہم وہ جانبر نہ ہوسکا۔ پولیس کے مطابق گزشتہ شام سلطان خیل کے علاقے میں نامعلوم دہشتگردوں نے حجرے کے سامنے موجود پولیس سپاہی سفیر خان اور ان کے بیٹے پر فائرنگ کی، جس کے نتیجے میں دونوں شدید زخمی ہوگئے تھے۔ واقعے کے بعد علاقے میں سکیورٹی مزید سخت کر دی گئی ہے جبکہ حملہ آوروں کی تلاش جاری ہے۔
