بلوچستان کے ضلع دکی میں اسسٹنٹ کمشنر کے دفتر میں چوری کی انوکھی واردات سامنے آئی ہے جہاں نامعلوم چور مال خانے کی کھڑکی توڑ کر اندر داخل ہوئے اور مختلف مقدمات میں ضبط کی گئی مجموعی طور پر 270 کلو منشیات چوری کرکے فرار ہوگئے
پولیس حکام کے مطابق چور 233 کلو افیون اور 37 کلو چرس لے گئے جو لیویز نے مختلف کارروائیوں کے دوران ضبط کی تھی اور ان سے متعلق مقدمات عدالتوں میں زیر سماعت ہیں
ایس ایچ او دکی فرمان علی کھوسہ کا کہنا ہے کہ واقعے کا مقدمہ نامعلوم افراد کے خلاف درج کرلیا گیا ہے جبکہ مزید تحقیقات جاری ہیں۔
