امریکا نے گرین کارڈ لاٹری پروگرام معطل کر دیا ہے۔
یہ اقدام ٹرمپ انتظامیہ کی جانب سے براؤن یونیورسٹی پر فائرنگ کے واقعے کے بعد اٹھایا گیا ہے۔
امریکا کی سیکرٹری ہوم لینڈ سکیورٹی کرسٹی نویم کا کہنا تھا کہ براؤن یونیورسٹی میں فائرنگ کرنے والے مشتبہ شخص نے امریکا آنے کے لیے گرین کارڈ لاٹری پروگرام کا استعمال کیا تھا۔
واضح رہے کہ گرین لاٹری پروگرام امریکی حکومت کا ایک سرکاری امیگریشن پروگرام ہے جس کا مقصد دنیا کے اُن ممالک کے شہریوں کو امریکا میں مستقل رہائش کا موقع دینا ہے جہاں سے امریکا میں امیگریشن کی شرح کم رہی ہو۔
