اسلام آباد: پیٹرول اور ہائی سپیڈ ڈیزل کی قیمتوں میں کمی کے بعد حکومت نے عوام کے لیے ایک اور خوشخبری دے دی ہے۔ اب لائٹ ڈیزل آئل اور مٹی کے تیل کی قیمتیں بھی کم کر دی گئی ہیں۔
اوگرا کی جاری کردہ نوٹیفکیشن کے مطابق لائٹ ڈیزل آئل کی قیمت میں فی لیٹر 7 روپے 3 پیسے اور مٹی کے تیل کی قیمت میں فی لیٹر 1 روپے 48 پیسے کی کمی کی گئی ہے۔
اس کے بعد لائٹ ڈیزل آئل کی نئی قیمت 163 روپے 77 پیسے فی لیٹر اور مٹی کے تیل کی نئی قیمت 192 روپے 86 پیسے فی لیٹر مقرر کی گئی ہے۔
سرکاری ذرائع کا کہنا ہے کہ قیمتوں میں یہ کمی عوام پر روزمرہ اخراجات کے بوجھ کو کم کرنے اور توانائی کی قیمتوں میں کمی کے مقصد کے تحت کی گئی ہے۔
