امریکی صدر ڈونلڈ ٹرمپ نے امریکا سعودی بزنس فورم سے خطاب کرتے ہوئے کہا کہ سعودی ولی عہد چاہتے ہیں کہ میں سوڈان کے حوالے سے کوئی مضبوط اقدام اُٹھاؤں، سعودی ولی عہد کی درخواست پر سوڈان تنازع پر کام شروع کرنے کا فیصلہ کرلیا ہے۔
بین الاقوامی خبر رساں ادارے کی رپورٹ کے مطابق امریکی صدر کا کہنا تھا کہ سوڈان میری ترجیح میں شامل نہیں تھا۔
انہوں نے کہا کہ میرے خیال میں سوڈان کی صورتحال پاگل پن اور بے قابو ہوجانے والی تھی لیکن اب مجھے لگ رہا ہے کہ سوڈان بہت سے دوستوں اور آپ سب کے لیے بہت اہم ہے، اب سوڈان پر کام شروع کرنے جا رہے ہیں۔
واضح رہے کہ سوڈان میں 2023 سے حکومتی فورسز اور باغی ملیشیا کے درمیان جھڑپیں ہورہی ہیں، جس میں سینکڑوں افراد اپنی زندگیوں سے محروم ہوچکے ہیں۔
باغی فوج ریپڈ سپورٹ فورس نے گزشتہ ماہ بھی الفشر شہر میں حملہ کرتے ہوئے پورے شہر پر قبضہ کرلیا تھا اور اس دوران 2 ہزار افراد موت کی نیند سلادیا گیا تھا۔اقوامِ متحدہ کا کہنا تھا کہ سوڈان جھڑپوں میں اب تک 13 ہزار سے زائدافراد اپنی زندگیوں سے محروم ہوچکے ہیں۔
