پاکستان نے افغان طالبان ترجمان کے گمراہ کن بیان کو مسترد کردیا

اسلام آباد: پاکستان نے افغان طالبان کے گمراہ کن بیان کو مسترد کردیا ہے۔
وزارت اطلاعات کا کہنا ہے کہ استنبول مذاکرات سے متعلق حقائق طالبان ترجمان نے توڑ مروڑ کر پیش کیا، پاکستان نے افغان سرزمین پر موجود دہشت گردوں کی گرفتاری کا مطالبہ کیا۔
وزارت اطلاعات و نشریات کے مطابق افغان فریق کے دعوے پر پاکستان نے فوری طور پر تحویل کی پیشکش کی، پاکستان کا مؤقف واضح، مستقل اور ریکارڈ پر موجود ہے۔
ذرائع کے مطابق وزارت کا کہنا ہے کہ پاکستان کے خلاف غلط بیانی قابل قبول نہیں، افغانستان کی جانب سے جھوٹے دعوے حقائق کے منافی ہیں۔
پاکستان نے واضح کیا کہ دہشت گردوں کی حوالگی سرحدی انٹری پوائنٹس سے ممکن ہے، کسی بھی متضاد دعوے کو بے بنیاد اور گمراہ کن قرار دیا گیا ہے