آزاد کشمیر کے وزیراعظم کا اعلان کشمیر سے ہوگا اسلام آباد سے نہیں، بلاول بھٹو

چیئرمین پیپلزپارٹی بلاول بھٹو کا کہنا ہے کہ آزاد کشمیر میں وزیراعظم کا اعلان کشمیر سے ہوگا اسلام آباد سے نہیں ہوگا۔
رہنما نیوز کے مطابق چیئرمین پیپلزپارٹی بلاول بھٹو نے میڈیا سے گفتگو کرتے ہوئے کہا کہ آزاد کشمیر میں حکومت بنانے اور سنبھالنے کی پوزیشن میں ہیں، پیپلزپارٹی آزاد کشمیر کے عوام کی نمائندگی کرنا جانتی ہے۔
انہوں نے کہا کہ آزاد کشمیر حکومت کی بقیہ مدت پیپلزپارٹی کے لیے امتحان ہوگا، مسائل سیاسی ہیں ان کا حل پیپلزپارٹی کے پاس ہے۔
بلاول بھٹو نے کہا کہ اس اسمبلی کا جو وقت رہتا ہے ہم سجھتے ہیں اس سے پہلے نئے انتخابات ہوجائیں، عوام کی نمائندگی کرتے ہوئے کوشش ہوگی مطالبات کو پورا کیا جائے، عوام سے وعدہ کرتا ہوں میں آپ کو مایوس نہیں کروں گا۔
یہ پڑھیں: صدر مملکت کی ن لیگ کو آزاد کشمیر حکومت میں شمولیت دعوت
چیئرمین پی پی نے کہا کہ پیپلزرٹی آزاد کشمیر کی صحیح معنوں میں نمائندگی کرنے کی صلاحیت رکھتی ہے، عمران خان کی حکومت تھی اس وقت اسٹیبلشمنٹ کا کردار سب کے سامنے تھا۔
انہوں نے کہا کہ پیپلزپارٹی پھر بھی پیچھے نہیں ہٹی اسمبلی میں اپنی پارٹی کی نمائندگی کرتے رہے، غیرسیاسی سوچ کی وجہ سے ویکیوم پیدا کیا گیا جس سے کشمیر کے عوام کو نقصان ہورہا ہے۔
بلاول بھٹو نے مزید کہا کہ پیپلزپارٹی نے پچھلے الیکشن میں حصہ لیا اور بھرپور سیاسی مہم چلائی، بطور وزیر خارجہ مجھے بھی کشمیریوں کی جدوجہد کو آگے لے جانے کا موقع ملا ہے