کراچی: قیوم آباد کے قریب اقرا یونیورسٹی کے سامنے ڈمپنگ پوائنٹ بنا دیا گیا ہے جس نے طلبا کا یونیورسٹی آناجانا مشکل کردیا۔
رہنما نیوز کے مطابق کراچی کے نجی تعلیمی ادارے اقرا یونیورسٹی کے سامنے کچرے کا ڈمپنگ پوائنٹ بنا کر طلبا اور آنے جانے والوں کو شدید پریشانی میں مبتلا کردیا گیا ہے، گندی اور تعفن کے باعث طلبا اور علاقہ مکینوں کو کافی مشکلات اور صحت کے مسائل کا سامنا ہے،
ہر طرف کچرا اڑنے سے سانس لینا بھی محال ہوگیا ہے، تعلیمی ادارے کے سامنے یوں کچرے کا ڈمپنگ پوائنٹ بنا دینا صفائی کے نظام پر سوالیہ نشان ہے۔
اقرا یونویورسٹی کی ایک طالبہ نے اپنی پریشانی سے آگاہ کرتے ہوئے بتایا کہ طلبا کو بہت مشکلات ہوتی ہیں اور یہ چیز ان کی صحت کو بھی متاثر کررہی ہے،
ایک اور طالبہ کا کہنا تھا کہ طبعیت بھی بہت خراب ہوتی ہے جس کی وجہ سے چھٹی ہوتی ہے اور کلاسز کا مسئلہ ہوتا ہے۔
بیماریوں کی نشاندہی کرتے ہوئے ایک اسٹوڈنٹ نے کہا کہ اس سے بیماریاں پھیلتی ہیں اور سانس وغیرہ کے مسائل کا بھی سامانا کرنا پڑتا ہے۔
ایک اور طلبہ جنھیں دمے کا مرض لاحق ہے انھوں نے بتایا کہ میں دمے کی مریضہ ہوں مجھے پتا ہے اس وجہ سے میرے لیے کتنا مسئلہ ہوتا ہے، گھر جاکر میری اکثر طبعیت خراب ہوجاتی ہے، پھر مجھے نیوبلائز ہونے کےلیے اسپتال کا رخ کرنا پڑتا ہے
