لاہور: پاکستان کرکٹ بورڈ (پی سی بی) نے بگ بیش لیگ کے لیے کھلاڑیوں کو این او سی جاری کردیے۔
پاکستان کرکٹ بورڈ نے بگ بیش لیگ 15 میں شرکت کرنے والے کھلاڑیوں کے لیے نو آبجیکشن سرٹیفکیٹ جاری کیے ہیں۔
بابر اعظم، شاہین شاہ آفریدی اور محمد رضوان سمیت پاکستان کے سات کرکٹرز ٹورنامنٹ کے 15ویں ایڈیشن میں ایکشن میں دکھائی دیں گے۔
واضح رہے کہ پی سی بی نے ابتدائی طور پر 30 ستمبر 2025 کو بیرون ملک ٹی ٹوئنٹی لیگز میں شرکت کے لیے کھلاڑیوں کے این او سیز کو معطل کر دیا تھا۔
بورڈ نے کہا تھا کہ چیئرمین پی سی بی کی منظوری سے لیگز اور ملک سے باہر ہونے والے دیگر ٹورنامنٹس میں شرکت کے حوالے سے کھلاڑیوں کے لیے تمام این او سی کو اگلے احکامات تک روک دیا گیا ہے۔
بی بی ایل 14 دسمبر کو شروع ہو رہا ہے، جس میں پاکستان کے بڑے اسٹارز شاہین آفریدی، بابر اعظم، شاداب خان اور محمد رضوان شرکت کریں گے۔
سڈنی سکسرز نے بابر اعظم کا شاندار استقبال کیا اور آنے والے بگ بیش لیگ سیزن سے قبل “بابرستان” کے نام سے ایک خصوصی فین زون قائم کرنے کا اعلان کیا ہے۔
