پاکستانی افواج کے سپہ سالار کا مصری وزارت دفاع میں پرتپاک استقبال

فیلڈ مارشل سید عاصم منیر نے مصر کا دورہ کیا، پاکستانی افواج کے سپہ سالار کا مصری وزارت دفاع میں پرتپاک استقبال کیا گیا۔
آئی ایس پی آر نے جاری بیان میں بتایا کہ مصر کے دورے پر فیلڈ مارشل عاصم منیر کا وزارت دفاع میں پرتپاک استقبال کیا گیا اور گارڈ آف آنر پیش کیا گیا، فیلڈ مارشل نے مصری وزیردفاع اور چیف آف اسٹاف سے ملاقاتیں کیں۔
فوج کے شعبہ ابلاغ عامہ نے بتایا کہ ملاقات میں باہمی دلچسپی کے امور، علاقائی سیکیورٹی صورتحال اور دفاعی تعاون پر تبادلہ خیال کیا گیا۔
اس موقع پر فیلڈ مارشل سید عاصم منیر نے کہا کہ مصر کے ساتھ برادرانہ تعلقات ہیں، دونوں مماملک کے تعاون سے خطے میں امن واستحکام کو فروغ ملےگا۔
فیلڈ مارشل نے جامعہ الازہر کے شیخ اعظم شیخ احمدالطیب سے بھی ملاقات کی، ان سے مسلم امہ کو درپیش چیلنجز اور انتہاپسندانہ نظریات کے خاتمے پر گفتگو ہوئی۔
آئی ایس پی آر کی جانب سے جاری بیان میں مزید بتایا گیا کہ فیلڈ مارشل نے اسلام کی مسخ شدہ تشریحات کے خاتمے کی اہمیت پر روشنی ڈالی۔