امریکی صدر ڈونلڈ ٹرمپ نے دوٹوک مؤقف اپنایا ہے کہ مقوضہ مغربی کنارے کا اسرائیلی الحاق نہیں ہونے دوں گا، امریکا مقبوضہ مغربی کنارے کے اسرائیلی الحاق کےخلاف ہے۔
ٹرمپ نے ٹائم میگزین کو انٹرویو میں نائب صدر جےڈی وینس کے مؤقف کی توثیق کرتے ہوئے کہا کہ امریکی پالیسی اسرائیلی انضمام کے سخت خلاف ہے عرب ممالک سے وعدہ کیا ہے کہ مقبوضہ مغربی کنارے کا الحاق نہیں ہو گا میں عرب ممالک سے وعدہ نبھاؤں گا۔
صدرٹرمپ نے کہا کہ اسرائیل نے مقبوضہ مغربی کنارے کا انضمام کیا تو امریکا کی حمایت کھو دے گا، اسرائیل نے انضمام کی راہ اپنائی تو امریکا اور عرب ممالک کے تعلقات متاثر ہوں گے۔
ٹرمپ کا کہنا تھا کہ اسرائیلی وزیراعظم نیتن یاہو کو غزہ پر حملہ جاری رکھنے سے روکا، نیتن یاہو کو کہا تم پوری دنیا سے نہیں لڑ سکتے اسرائیل بہت چھوٹی جگہ ہے اگر اسرائیل جنگ نہ روکتا تو یہ لڑائی برسوں چل سکتی تھی۔
امریکی صدر نے یہ بھی کہا کہ قطر میں حماس وفد پر اسرائیلی حملہ تکنیکی غلطی تھی، قطر پر حملے کے واقعے نے اسرائیل کو دباو ٔمیں لاکر جنگ بندی پر آمادہ کیا، امیر قطر سے کہا دوحا پر حملہ سب کو اکٹھا کرنے کا باعث بنا۔
ٹرمپ نے بتایا کہ جنگ کے بعد فلسطینی قیادت کے معاملے پر ابھی فیصلہ نہیں کیا محمود عباس کے مستقبل اور مروان برغوثی کی رہائی پر غور کر رہا ہوں، مستقبل میں غزہ کا دورہ کرنے کا ارادہ ہے۔
