خیبرپختونخوا، گلگت بلتستان اور آزاد کشمیر میں زلزلے کے جھٹکے محسوس کیے گئے ہیں، جس کے باعث شہریوں میں خوف و ہراس پھیل گیا۔
رہنما نیوز کی رپورٹ کے مطابق پشاور، سوات، مردان، بٹگرام، دیر، ملاکنڈ، نوشہرہ، ہنگو ، کرم میں زلزلے کے جھٹکے محسوس کیے گئے۔
اس کے علاوہ جگلوٹ، خیبر، باڑہ، جمرود، تیراہ، لنڈی کوتل، ملاگوری میں بھی زلزلے کے جھٹکوں کی اطلاعات ہیں رپووٹ کے مطابق گلگت، چترال، راولاکوٹ، مری اور اسلام آباد،راولپنڈی میں بھی محسوس کیے گئے ہیں۔
زلزلہ پیما مرکز کے مطابق ریکٹر اسکیل پر زلزلے کی شدت 5.3 ریکارڈ کی گئی، اور اس کا مرکز ہندو کش ریجن افغانستان تھا جبکہ اس کی گہرائی234 کلومیٹر تھی۔
تازہ ترین اطلاعات کے مطابق میرپور آزاد کشمیر اور گردو نواح، چکوال، تلہ گنگ، کلرکہار، چوآسیدن شاہ، لاوہ، پنڈی بھٹیاں، چنیوٹ، حافظ آباد، جھنگ اور ضلع مہمند اور گردونواح میں زلزلے کے جھٹکے محسوس کیے گئے۔
زلزلے کے باعث شہریوں میں خوف و ہراس پھیل گیا اور وہ کلمہ طیبہ کا ورد کرتے ہوئے گھروں سے باہر نکل آئے۔
زلزلے سے فی الحال کسی قسم کے جانی و مالی نقصان کی اطلاع نہیں ملی۔ یاد رہے کہ ماہرین کے مطابق زلزلے مختلف ارضیاتی عوامل کے ایک پیچیدہ اور متحرک مجموعے کے سبب آتے ہیں
