عراق : پارلیمانی انتخابات کے امیدوار صفا المشہدانی جان کی بازی ہار گئے

عراق کے دارالحکومت بغداد کے شمالی علاقے الطارمیہ میں بم دھماکے میں بغداد صوبائی کونسل کے موجودہ رکن اور آئندہ پارلیمانی انتخابات کے امیدوار صفا المشہدانی جان کی بازی ہار گئے۔
غیر ملکی ذرائع ابلاغ کے مطابق بغداد آپریشنز کمانڈ (بی او سی) کا اس حوالے سے کہنا تھا کہ واقعہ بدھ کی نصف شب کے بعد اس وقت پیش آیا جب صفا المشہدانی کی گاڑی میں نصب بم بغداد سے تقریباً 40 کلومیٹر شمال میں الطارمیہ کے علاقے میں پھٹ گیا، جس میں صفا المشہدانی جاں بحق اور 4 دیگر زخمی ہو گئے۔
رپورٹس کے مطابق عراقی وزیرِ اعظم اور افواج کے سپریم کمانڈر محمد شیاع السودانی نے واقعے کی تحقیقات کے لئے کمیٹی تشکیل دینے کا حکم دیا ہے، جو بغداد آپریشنز کمانڈ کے سربراہ کی نگرانی میں کام کرے گی۔
صفا المشہدانی کی موت پر عراقی پارلیمنٹ کے سپیکر محمود المشہدی نے افسوس کا اظہار کیا اور اس قتل کو ”بزدلانہ دہشت گردی کا عمل“ قرار دیتے ہوئے حکومت اور سکیورٹی اداروں سے مطالبہ کیا کہ ملزمان کے خلاف فوری اور سخت کارروائی کی جائے۔
اس سے قبل اسپین کے دارالحکومت میڈرڈ کے ایک کیفے میں دھماکہ ہوا تھا جس کے باعث دو درجن کے قریب افراد زخمی ہوگئے تھے۔

دھماکہ دوپہر کے اوقات میں تین بجے ہوا، ہنگامی سروس فراہم کرنے والے ادارے نے بتایا کہ میڈرڈ کے جنوبی وسطی ضلع ویلیکاس میں یہ دھماکا ہوا ہے۔
تاہم اب تک دھماکے کی وجوہات سامنے نہیں آئیں ہیں، اسپین کے سیکیورٹی حکام دھماکے سے متعلق تفتیش کررہے ہی۔