پاکستان کا پہلا ہائپر اسپیکٹرل سیٹلائٹ ایچ ایس ون 19اکتوبر کو چین سے لانچ کیا جائےگا جو زراعت، ماحولیاتی نگرانے کیلئے جدید سہولت مہیا کریگا۔
اسپارکو کی جانب سے جاری اعلامیے میں کہا گیا کہ سیٹلائٹ زراعت، شہری ترقی اور ماحولیاتی نگرانی میں اہم کردار ادا کرےگا، ایچ ایس ون سیٹلائٹ ڈیٹا کیلیبریشن اور درست زراعت کیلئے جدید سہولت فراہم کرے گا۔
ہائپر اسپیکٹرل سیٹلائٹ سے فصلوں کی پیداوار میں 15 تا 20 فیصد اضافہ متوقع ہے، سیٹلائٹ سیلابوں، لینڈ سلائیڈز اور دیگر قدرتی آفات کی پیشگوئی میں معاون ثابت ہوگا۔
اسپارکو اعلامیہ میں بتایا گیا کہ ایچ ایس ون ماحولیاتی تبدیلیوں اور ارضیاتی خطرات کی بروقت نگرانی میں بھی مدد دے گا۔
ہائپر اسپیکٹرل سیٹلائٹ ایچ ایس ون کی جدت سے متعلق بتاتے ہوئے اعلامیہ میں کہا گیا کہ یہ سیٹلائٹ انفرااسٹرکچر میپنگ اور شہری منصوبہ بندی میں نئی راہیں کھولےگا۔
اسپارکو کا مزید کہنا تھا کہ پاکستان کا ہائپر اسپیکٹرل مشن قومی خلائی پالیسی اور وژن 2047 کا اہم سنگ میل ہے، پاکستان کا خلائی پروگرام جدید ایپلی کیشنز کے دور میں داخل ہو رہا ہے۔
خلا میں پہلی بار سیٹلائٹ ری فیولنگ مشن انجام، چین نے ایک بار پھر دنیا کو حیران کر دیا
