ویڈیو: الیسا ہیلی کی شاندار اننگز نے ٹریوس ہیڈ کی یاد تازہ کردی

ویمنز ورلڈ کپ میں آسٹریلیا کی کپتان الیسا ہیلی کی بھارت کے خلاف شاندار اننگز نے ورلڈ کپ میں ٹریوس ہیڈ کی بیٹنگ کی یاد تازہ کردی۔
انٹرنیشنل کرکٹ کونسل (آئی سی سی) نے سوشل میڈیا پر ویڈیو شیئر کی جس میں آسٹریلیا کی الیسا ہیلی کی آئی سی سی ویمنز ورلڈ کپ 2025 میں بھارت کے خلاف اننگز اور ورلڈ کپ 2023 کے فائنل میں بھارت کے خلاف ٹریوس ہیڈ کی اننگز کا موازنہ کیا گیا۔
آسٹریلوی کھلاڑیوں کی چھکے اور چوکے مارتے ہوئے ویڈیو نے دیکھنے والوں کو اپنے سحر میں جکڑ لیا۔ یہاں تک کہ بھارتی شائقین نے کمنٹس سیکشن میں اپنے مخالفین کی تعریف کی۔
فائنل میں 120 گیندوں پر 137 رنز کی سنچری کے ساتھ ٹریوس ہیڈ نے میچ میچ وننگ اننگز کھیلی تھی اور بھارت کے خلاف الیسا ہیلی نے 331 رنز کا تعاقب کرتے ہوئے 107 گیندوں میں 142 رنز بنائے۔
2023 کے ورلڈ کپ میں احمد آباد میں بھارت کے خلاف ٹریوس ہیڈ کی  137 رنز کی اننگز نے آسٹریلیا کو چھٹا ورلڈ کپ ٹائٹل جیتنے میں مدد کی۔
ٹریوس ہیڈ کی سنچری میں 15 چوکے اور چار بلند و بالا چھکے شامل تھے
ویمنز ورلڈ کپ میں الیسا ہیلی نے 142 رنز کی اننگز ورلڈ کپ کی تاریخ میں کسی کپتان کی تیسری سب سے بڑی اننگز ہے۔
میچ کے بعد کی پریس کانفرنس کے دوران الیسا نے کہا تھا کہ مجھے لگتا ہے کہ میں صرف اپنا حصہ ڈالنے کی کوشش کر رہی تھی۔ اس ٹوٹل کا تعاقب کرنے کے لیے کسی کو سنچری بنانے کی ضرورت تھی