امریکی صدر کے اسرائیلی پارلیمنٹ سے خطاب کے دوران ہنگامہ آرائی ٹرمپ کی جانب بڑھنے والے اراکین کو باہر نکال دیا گیا۔
ٹرمپ کی تقریر کے دوران دو ارکان پارلیمنٹ نے فلسطین کے حق میں آواز بلند کرنا چاہی۔ دائیں بازو سے تعلق رکھنے والے رکن پارلیمنٹ ایمن عوده نے نے ٹرمپ کی جانب بڑھنے کی کوشش کی۔
تاہم وہاں موجود سیکیورٹی اہلکاروں نے فوری مداخلت کرتے ہوئے ایمن عودہ کو دبوچ لیا۔ سیکیورٹی اہلکاروں نے ایمن کے ساتھ اسرائیلی رکن پارلیمنٹ کو بھی پارلیمنٹ سے باہر نکال دیا۔
امریکی صدر نے احتجاج کرنے اور ان کی طرف بڑھنے والے رکن کو باہر نکالنے پر سیکیورٹی اہلکاروں کی تعریف کرتے ہوئے کہا کہ آپ کی پھرتی مجھے اچھی لگی۔
دریں اثنا ایمن عوده نے ایکس پر لکھا کہ نیتن یاہو کی ستائش سےغزہ میں انسانی جرائم کی ذمہ داری کم نہیں ہوتی۔ قبضے کے خاتمے اور فلسطینی ریاست تسلیم کرنے سے ہی انصاف، امن اور تحفظ ممکن ہے۔ انہیں فلسطینی ریاست تسلیم کرنے کے مطالبے پر نکالا گیا۔ جب کہ بین الاقوامی برادری بھی اس نکتے پر متفق ہے
