جنوبی افریقہ کے خلاف پہلے ٹیسٹ کے لیے پاکستان کی پلیئنگ الیون فائنل

جنوبی افریقہ کے خلاف پہلے ٹیسٹ کے لیے پاکستان کی پلیئنگ الیون فائنل ہوگئی، آف اسپنر آصف آفریدی کو ٹیسٹ ڈیبیو کروانے کا فیصلہ کیا گیا ہے۔
 انٹرنیشنل کرکٹ کونسل (آئی سی سی) ٹیسٹ چیمپئن شپ کے چوتھے سائیکل 27-2025 میں پاکستان کرکٹ ٹیم شان مسعود کی قیادت میں دو ٹیسٹ پر مشتمل سیریز دفاعی چیمپئن جنوبی افریقا کے خلاف کھیلنے میدان میں اتر رہی ہے۔
ذرائع کا کہنا ہے کہ جنوبی افریقہ کے خلاف پہلے ٹیسٹ کے لیے پاکستان کی پلیئنگ الیون کے نام سامنے آگئے ہیں، ابرار احمد پلیئنگ الیون میں جگہ بنانے میں ناکام ہوگئے جبکہ آف اسپنر آصف آفریدی کو ٹیسٹ ڈیبیو کروانے کا فیصلہ کیا گیا ہے۔
پاکستانی ٹیم سات بلے بازوں کے ساتھ میدان میں اترے گا، شاہین شاہ آفریدی، خرم شہزاد، ساجد خان اور آصف آفریدی کی شمولیت متوقع ہے اس کے علاوہ امام الحق، شان مسعود، بابراعظم اور سعود شکیل ٹیم میں شامل ہیں۔
محمد رضوان، سلمان آغا اور کامران غلام بھی جنوبی افریقہ کے خلاف پلیئنگ الیون کا حصہ ہوں گے،
پاکستان اور جنوبی افریقہ کے درمیان پہلا ٹیسٹ آج قذافی اسٹیڈیم میں کھیلا جائے گا۔