پاکستان اور بھارت کی ٹیمیں ایک بار پھر مدمقابل

آئی سی سی مینز اور ویمنز کرکٹ کے بعد اب پاکستان اور بھارت کی ہاکی ٹیمیں 14 اکتوبر کو مدمقابل آئیں گی۔
ملائیشیا میں کھیلے جانے والے سلطان آف جوہر ہاکی کپ کے لیے قومی جونیئر ٹیم کا اعلان آج ہوگا، ہاکی کپ 11 اکتوبر سے جوہر بارو کے تمان ڈایا ہاکی اسٹیڈیم میں کھیلا جائے گا۔
18 اکتوبر تک شیڈول ٹورنامنٹ میں چھ ٹیمیں شرکت کریں گی جن میں پاکستان، آسٹریلیا، انگلینڈ، بھارت، ملائیشیا اور نیوزی لینڈ شامل ہیں۔
ٹورنامنٹ میں پاکستان ہاکی ٹیم اپنا میچ میزبان ملائیشیا سے کھیلے گی جبکہ 12 اکتوبر کو انگلینڈ سے میچ شیڈول ہے، 14 اکتوبر کو گرین شرٹس اپنا تیسرا میچ روایتی حریف بھارت سے کھیلیں گے۔
پاکستان ٹیم 15 اکتوبر کونیوزی لینڈ اور 17 اکتوبر کو آسٹریلیا کے خلاف میدان میں اترے گی