ٹرمپ انقلابی صدر، آپکے دور میں عالمی معیشت میں تاریخی تبدیلیاں آئیں، کینیڈین وزیراعظم کارنی

کینیڈین وزیراعظم کارنی نے امریکا کے صدر ڈونلڈ ٹرمپ کو خراجِ تحسین پیش کرتے ہوئے کہا ہے کہ آپ ایک انقلابی صدر ہیں۔
غیرملکی میڈیا رپورٹس کے مطابق کینیڈین وزیراعظم جو اس وقت امریکا کے دور پر موجود ہیں، جہاں انھوں نے ٹرمپ کو کافی سراہا ہے، وزیراعظم مارک کارنی نے کہا کہ ڈونلڈ ٹرمپ کے دور میں عالمی معیشت میں تاریخی تبدیلیاں آئیں۔
کینیڈین وزیراعظم نے کہا کہ نیٹو ممالک کے دفاعی اخراجات میں بےمثال اضافہ ہوا، ٹرمپ دور میں بھارت سے آذربائیجان تک امن قائم ہوا۔
وزیراعظم مارک کارنی نے کہا کہ ایران کی دہشت گردانہ طاقت کو مفلوج کردیا گیا، امریکا کے ساتھ کوئی اقتصادی تنازعہ نہیں ہے، ہم ایک دوسرے سے آگے نکلنے کی کوشش کرتے ہیں، مگر ساتھ زیادہ مضبوط ہیں۔
انھوں نے کہا کہ امریکا اور کینیڈا کے درمیان کئی شعبوں میں مفاہمت ضروری ہے، کینیڈا امریکا کا اہم تجارتی شراکت دار اور بڑا سرمایہ کار ہے۔
کینیڈین وزیراعظم مارک کارنی کا مزید کہنا تھا کہ ہم درست معاہدہ کریں گے جو امریکا اور کینیڈا دونوں کیلئے فائدہ مند ہوگا۔
صدر ڈونلڈ ٹرمپ نے کہا کہ امریکی عوام کینیڈا میں بنی گاڑیاں نہیں خریدنا چاہتے، امریکی عوام مصنوعات یہیں تیار کرنا چاہتے ہیں، مقامی پیداوار کو ترجیح دیتے ہیں۔
انھوں نے کہا کہ کینیڈا کےساتھ کچھ معاملات طے کرنے ہیں، تجارتی معاہدہ سب سے زیادہ پیچیدہ ہے، ہمارے درمیان قدرتی اختلاف بھی ہے اور باہمی محبت بھی ہے۔
ٹرمپ نے کہا کہ کینیڈا اور امریکا میں گاڑیوں کی صنعت کا تضاد حل ہوجائے گا، کینیڈا سے محبت کرتا ہوں مگر مسئلہ یہ ہے کہ دونوں اسٹیل اور گاڑیاں چاہتے ہیں۔
ٹرمپ نے ایک اور ٹیکس نافذ کر دیا