سعودی عرب کی قومی ایئرلائن ‘سعودیہ’ آپریشنل سیفٹی اور کوالٹی میں بہترین قرار

سعودی عرب کی قومی ایئرلائن ‘سعودیہ’ کو آپریشنل سیفٹی اور کوالٹی کے حوالے سے دنیا کی صف اول کی ایئر لائنز میں سے ایک قرار دیدیا گیا۔
سعودی عرب کی قومی ایئرلائن سعودیہ نے نئے متعارف کرائے گئے رسک پر مبنی IATA آپریشنل سیفٹی آڈٹ (RBI) فریم ورک کے تحت کامیابی کے ساتھ IATA آپریشنل سیفٹی آڈٹ IOSA کی تجدید مکمل کرلی ہے۔
سعودیہ نے نہ صرف مسلسل 11ویں مرتبہ IOSA رجسٹریشن کی کامیابی کے ساتھ تجدید کی ہے بلکہ سیفٹی اور کارکردگی کے زمرے میں ایئرلائن کے غیرمعمولی معیار کو بھی اجاگر کیا ہے۔
اس سال کے آڈٹ کو سعودیہ کے لیے ایک بڑی کامیابی قرار دیا گیا ہے جو کہ RBI کے فریم ورک کے تحت اس کی پہلی کامیابی ہے، جو ایوی ایشن سیفٹی میں اگلے ارتقا کی نمائندگی کرتا ہے،
اس میں زیادہ اہداف اور پیشن گوئی کے اندازے کیلئے ایئرلائن کے مخصوص رسک پروفائلز اور کارکردگی کے اعداد و شمار پر توجہ مرکوز کی جاتی ہے۔
آئی او ایس اے (IOSA) ایک عالمی سطح پر تسلیم شدہ سیفٹی ایسسمنٹ پروگرام ہے جس میں ایئر لائن کے آپریشنل مینجمنٹ اور کنٹرول سسٹمز کا جائزہ لیا جاتا ہے۔
آر بی آئی نے نگرانی کو بڑھانے کے لیے کارکردگی کے اعداد و شمار اور رسک پروفائلز سے استفادہ کرتے ہوئے اور ایئر لائن کے لیے مخصوص حفاظتی ترجیحات پر توجہ مرکوز کرتے ہوئے، ایک زیادہ پیشن گوئی اور حسب ضرورت طریقہ متعارف کرایا ہے۔
آڈٹ میں آٹھ بنیادی عوامل کا جائزہ لیا گیا جس میں آرگنائزیشن مینجمنٹ، ایوی ایشن سیکیورٹی، فلائٹ آپریشنز، فلائٹ ڈسپیچ، ان فلائٹ سروسز، مینٹیننس مینجمنٹ، گراؤنڈ آپریشنز اور کارگو آپریشنزشامل تھے۔
سعودیہ کے سیفٹی، ایوی ایشن سیکیورٹی اور کوالٹی کے نائب صدر کیپٹن محمد دہدلی کا کہنا ہے کہ ”سعودیہ کا بنیادی مقصد حفاظت ہے۔ ہمارے IOSA رجسٹریشن کی تجدید ایک بار پھر ہمارے حفاظتی کلچر کی مضبوطی اور ہمارے آپریشنل سسٹمز کی مضبوطی کی عکاسی کرتی ہے۔“
انھوں نے کہا کہ ”یہ ایک قابل فخر لمحہ ہے جو ہماری ٹیموں کی لگن اور عالمی ہوابازی کے معیارات پر پورا اترنے اور ان سے تجاوز کرنے کے لیے ہمارے جاری عزم کو اجاگر کرتا ہے۔“
سعودیہ اپنی عالمی سطح پر اپنی رسائی کو بڑھا رہا ہے اور اپنے آپریشنز کو جدید بنا رہا ہے، ایسے میں یہ اعزاز ایوی ایشن سیفٹی میں ایئر لائن کی قیادت کو تقویت دیتی ہے اور اس مقابلہ بازی و مسابقتی صنعت میں ترقی کرنے کی تیاری کو تقویت دیتی ہے