ایشیا کپ کی ٹرافی کے ہمراہ پاک بھارت کپتانوں کا فوٹو شوٹ ہوگا یا نہیں؟

ایشیا کپ 2025 کا فائنل پاکستان اور بھارت کے درمیان اتوار کو دبئی میں ہوگا، تاہم فائنل سے قبل دونوں ملکوں کی ٹیموں کے درمیان تناؤ بہت زیادہ بڑھ چکا ہے اور اسی سبب فائنل سے پہلے دونوں کپتانوں کا ٹرافی کے ساتھ روایتی فوٹو شوٹ بھی نہیں ہوگا۔
منتظمین کی جانب سے تصدیق کی گئی ہے کہ آج یعنی ہفتے کو ایسا کچھ نہیں ہو رہا تاہم اتوار کو فائنل سے پہلے اس سے حوالے سے حتمی فیصلہ کیا جائے گا۔
واضح رہے کہ اس سے قبل ہونے والے 2 پاک بھارت میچز کے دوران بھارتی ٹیم نے پاکستان کرکٹ ٹیم سے ہاتھ نہیں ملایا تھا اور اب فائنل میں بھی ایسی ہی صورتحال دکھائی دے رہی ہے، اب اس بارے میں امکان کم ہے کہ ٹرافی کے ساتھ دونوں کپتان تصاویر بنوائیں۔
قومی کرکٹ ٹیم کے کپتان سلمان علی آغا آج رات 7 بجے پاکستانی وقت کے مطابق پریس کانفرنس کریں گے۔
پاکستان ٹیم پاکستانی وقت کے مطابق رات سات سے دس بجے دبئی میں واقع آئی سی سی اکیڈمی میں فائنل سے پہلے پریکٹس بھی کرے گی