فیلڈ مارشل کی قیادت میں افواج پاکستان نے بھارت کو ناکوں چنے چبوائے، وزیراعظم

تفصیلات کے مطابق وزیراعظم شہباز شریف نیو یارک سے لندن روانہ ہوگئے، اس دوارن انہوں نے میڈیا سے گفتگو میں  کہا کہ فیلڈ مارشل عاصم منیر کو خراجِ تحسین پیش کرتے ہوئے کہا ہے کہ فیلڈ مارشل عاصم منیر کی قیادت میں افواج پاکستان نے بھرپور مزاحمت کی۔
انہوں نے کہا کہ فیلڈ مارشل کی قیادت میں افواج پاکستان نے بھارت کو ناکوں چنے چبوائے، پاکستان نے بھارت کے سات طیارے مار گرائے، وزیراعظم شہباز شریف کا کہنا تھا کہ ہم نے پاکستان کا بہترین مقدمہ پیش کیا ہے، مسئلۂ کشمیر کے حوالے سے کھل کر بات کی ہے۔
صحافیوں سے گفتگو میں انکا کہنا تھا کہ پاکستان کی معیشت اب بہتری کی جانب گامزن ہے، معاہدوں کی تفصیل وقت آنے پر سامنے لائی جائیں گی، کئی معاہدے طے پائے ہیں، ہر چیز ابھی ظاہر نہیں کی جاسکتی کیونکہ کچھ معاملات امانت ہوتے ہیں۔
انہوں نے کہا کہ ہم اپنی معدنیات کی وہی قیمت حاصل کرینگے جو ان کی اصل قدر ہے، یہ تاثر غلط ہے کہ معدنیات سستے داموں فروخت کی جارہی ہیں، اکتوبر سے امریکا اور پاکستان کیلئے براہِ راست پروازیں شروع ہوجائیں گی